Já ég fer nú alveg að fara að blogga aftur, dálítið mikið búið að vera að gera undanfarið en þetta fer nú vonandi að hægjast og þá fer ég að koma einhverju út úr hausnum á mér aftur... ekki veitir nú af!!! ;o)

Annars ætlaði ég nú bara að skella snöggvast inn smá fyrirspurn hérna þar sem við í HK erum enn að leita að leita að íbúð fyrir nýju þjálfarana en þeir verða húsnæðislausir núna um mánaðarmótin... Ef þið vitið um eitthvað á hagstæðu verði, endilega sendið mér línu eða kommentið hér!! ;o)

Bið annars bara að heilsa í bili og vonast eftir einhverjum jákvæðum svörum... ;oD

 Kveðja Laufey

 Ég held það sé bara kominn tími á nýja bloggfærslu, svolítill tími liðinn síðan síðast en það er nú ekkert á við þetta ár sem ég bloggaði ekki!!

Það er nú annars bara ágætis ágætt að frétta af mér, nóg að gera alltaf en það er svo sem bara fínt... sérstaklega þar sem það er búið að vera bilað að gera hjá Emil undanfarið, ég veit varla hvernig hann lítur út lengur!! Ég er alla vega ansi feginn að hann er að þjálfa mig, þótt það geti nú reyndar tekið ansi mikið á taugarnar stundumundanfarnar vikur virðist það hafa verið eini tíminn sem við erum saman en auðvitað er það nú svo sem alltaf pínu ýkt í minningunni!! Við höfum jú alveg átt quality time inná milli, t.a.m. fórum við út að borða í vikunni í tilefni þess að bóndinn átti afmæli á laugardeginum fyrir viku og við síðan sameiginlegt afmæli á mánudeginum eftir en báða þá daga var þessi elska að keppa úti í Svíþjóð  Við förum nú ekki oft út að borða og ákváðum að skella okkur á Hereford steikhús, aldeilis fínt - sérstaklega þar sem Emil hafði fengið 2 fyrir 1 á núinu... Svo reyndar þegar við vorum um það bil að fara út úr húsinu og ætluðum snöggvast að prenta út tilboðið fundum við það auðvitað ekki því Emil var svo duglegur að vera nýbúinn að henda út ruslpóstinum!! Hverjar eru líkurnar á því!! hehe En það var nú svo sem í góðu lagi, við áttum alveg súper kvöld þótt við veljum nú kannski annan stað til að prófa næst... Þjónustan var reyndar súper fín og allt voða kósý + steikin hans Emils alveg perfect en þar sem ég er ekkert svaka mikið fyrir steik ákvað ég að fá mér kjúlla, surprisingly, en komst að þeirri niðurstöðu að minn eigin kjúlli er nú bara slatti betri  Auk þess var þessi girnilega súkkulaðikaka með geggjaða ísnum, sem ég fékk mér í eftirrétt, helst til bökuð fyrir mig svo ég segi nú ekki meira... hehe

Annars er ég farin að hlakka svo geggjað mikið til jólanna... get vart beðið eftir að komast í frí og ekki verður nú leiðinlegt að komast vestur  í faðm fjölskyldunnar  Ég verð búin í prófum á hádegi þann 19. sem er óvenjulega snemma miðað við síðustu ár!! Sem minnir mig á það að í dag er akkúrat mánuður í fyrsta prófið mitt!!! Jæks   Tíminn líður svo hrikalega hratt að það er alveg ótrúlegt!! Er líka búin að vera í smá extra prógrammi undanfarið, svona ofan á mitt vanalega líf, en ég er búin að vera á Dale Carnegie námskeiði líka og vá hvað maður hefur nú hrikalega gott af því!! Það eru strax búnir 8 tímar af 12 eða 7 vikur af 10 svo það styttist svo sannarlega í annan endann... Finn annars alveg svakalegan mun á mér, bæði hvað varðar áður vanalega niðurbrotsstarfsemi, sjálfsöryggi, framkomu og annað!! Ég mæli nú sko með þessu fyrir hvern sem er!!! Fyrst ég get þetta, þá getur ÞÚ þetta og Þú skuldar sjálfum/sjálfri þér það sko  Þetta er reyndar alveg hellings vinna og tími sem fer í þetta en maður græðir það sko margfalt til baka   Mér finnst ég bara næstum geta allt núorðið... ætli þetta verði mitt næsta skref??  hehe

Fór annars í smá vörutalningu í Byko í gær, okkur bauðst það, deildunum í HK. til að vinna fyrir æfingagjöldunum en ég mætti nú reyndar ein fyrir hönd blakdeildarinnar en það var nú svo sem líklega bæði vegna þess hve fyrirvarinn var stuttur auk þess sem margir duglegir eru staddir á risa yngriflokkamóti fyrir austan núna þar sem Emil er einmitt líka með Stjörnukrakkana sína... En alla vega þá var þessi vinna nú bara hressandi og ég er búin að vinna mér fyrir stærstum hluta æfingagjaldanna, ekki slæmt það!! Var nú reyndar betra að ruglast ekki við það að telja einhver 1098 lítil nippilhné og eitthvað en tíminn flaug nú barasta áfram, ég með ipodinn í eyrunum og fékk að skjótast á æfingu inn á milli talninga en þeir voru svo ofuránægðir með mig strákarnir, svo það var nú ekki verraFékk m.a.s. opið atvinnutilboð á staðnum... Held annars að ég ætli nú bara að láta þetta gott heita í bili þar sem þetta er nú orðin ágætis klausa sem fólk þarf örugglega að lesa með pásum ef einhver kemst í gegnum þetta... Ég ætti kannski að reyna að skrifa bara eitthvað oftar og styttra í einu... hehe  Hafið það gott öllsömul!!

Já ég er búin að vera með þennan frasa á heilanum síðan í sumar en Aron Örn, 5 ára sæti frændi minn kom mér upp á það!! Kannist þið ekki við auglýsinguna um tuddana sem stela pallbíl til að heilla kýrnar?? Bara snilld ;o)

Það er annars bara það allra besta að frétta af mér núna, hef átt í miklum erfiðleikum með  að komast inn á síðuna mína og hef þess vegna ekki bloggað lengi - er búin að reyna nokkrum sinnum en get opnað allar blog.central-síður nema mína... ekki spyrja mig af hverju?! ;D

Ég er alla vega í svona skínandi skapi núna því ég kemst loksins aftur á æfingu í kvöld - JIBBÍ!! ;oD Hef ekki mátt mæta á æfingu þar sem ég puttabrotnaði... já klaufinn ég, þetta kemur ykkur eflaust ekki á óvart en svona smassar Þórey greinilega fast!! Ég í mínu sakleysi ætlaði að verjast smassinu með fingurslagi/nauðvörn þar sem ég stóð of framarlega en nei, auðvitað þurfti ég að krumpa litlaputtann í leiðinni!!

 En það er sem sagt loksins komið að því að ég megi fara aftur, sem betur fer enda er ég að fara yfirum á æfingaleysinu!!! Er reyndar með alveg heavy harðsperrur í lærunum eftir lyftingarnar í gær og þá aðallega hnébeygjurnar en það er nú bara gott að muna eftir því að maður hafi alla vega eitthvað gert í pásunni! ;o) Annars verður gott að komast í blakið aftur og finna smá keppni, ekki nóg fyrir mig bara að vera eitthvað að lyfta og/eða slæpast!! Er örugglega búin að vera frekar önug í samvistum undanfarið!! Hehe Að minnsta kosti er ég búin að vera ekkert lítið stressuð yfir skólanum og öðru undanfarið og vantaði bersýnilega einhverja íþróttalega útrás!! ;D

En já talandi um stress, ég átti að reikna eitthvað töfludæmi í skólanum á mánudaginn og var svo hrikalega stressuð fyrir það, var ekkert voðalega erfitt dæmi í sjálfu sér, svolítið langt reyndar en bara basic, heildun og diffrun fram og til baka, nema hvað svörin sem maður fær frá kennaranum og á að geta stuðst við voru öll kolvitlaus svo ég hafði ægilegar áhyggjur af því að ég væri hreinlega bara orðin eitthvað "heimsk"... En svo ég komi mér nú að því sem ég ætlaði að segja þá svaf ég svo illa um nóttina, áður en ég átti að reikna dæmið, var alveg gnístandi tönnum og óvær, allar tölurnar og svörin í dæminu sveiflandi í hausnum á mér og þegar síminn loksins hringdi um morguninn tók það mig hálftíma að átta mig á því að hann væri að hringja en að ég væri ekki að reikna dæmið á "vasareikninum" mínum. Ég tók sem sagt símann upp á 5 mínútna fresti þegar ég var að hringja til að reikna út dæmið og reyna að fá út rétta niðurstöðu þrátt fyrir það að ég hefði aldrei notað neinn vasareikni í upphaflega dæminu!!! Crazy me!!

En en en, alla vega, annars já.... orð sem ég nota frekar mikið alltaf! Ég ætla að segja þetta gott í bili og bið barasta að heilsa!! ;o)

Jæja, það er nú ágætt að það hafi ekki allir gefist upp á mér...  Viðbrögðin voru a.m.k. meiri og betri en ég átti von á.

Nú er vika 2 að hefjast í skólanum og allt að komast á fullt aftur. Heimalærdómurinn byrjaður að hlaðast upp og svona... Blakið byrjar svo á morgun en mig langar að reyna að komast eitthvað í fótbolta líka eða jafnvel skella mér aðeins í frjálsar aftur til að fá smá tilbreytingu. Ef þið vitið annars um eitthvað "áhugamannalið" í fótboltanum sem taka við stelpum (hvort sem það er annað kynið eða bæði ) þá megið þið endilega láta mig vita.

Annars er ég svo svakalega dugleg að hjóla alltaf í skólann núna, sama hvernig viðrar en það rigndi nú ANSI mikið í dag!! Og ekki nóg með að það hafi rignt mikið þá þurfti nú líka endilega að springa á heimleiðinni svo ég mátti til með að reiða hjólið heimleiðis en það var ekki þurr þráður þegar heim var komið þrátt fyrir góðan regnfatnað... Ég var þó fegin að vera komin alla leið í Fossvoginn þegar það sprakk en vera ekki bara hjá Nauthólsvík eða jafnvel kominn enn styttra!! Annars er ég reyndar komin ansi snemma heim í dag þar sem það féll niður tími eftir hádegi. Spurning hvort það hefði ekki sprungið ef hann hefði verið...?!

Well, helgin var alla vega alveg æðisleg. Bara róleg og ekkert planað, ekki einu sinni æfingar hjá hvorugu okkar á laugardeginum svo við höfðum það bara náðugt!! Ég fór reyndar út á föstudagskvöldinu í smá fermingar-reunion en það voru 10 ár síðan við fermdumst í vor. Ekkert smá gaman að hitta alla sem komumst en auðvitað voru einhver afföll en við hlógum og spjölluðum ansi mikið og ætlum að hafa fljótlega næst hitting (ekki á 10 ára fresti!) svo við Kolla vorum settar í nefnd!

Laugardagurinn fór svo aðallega í það að sofa út og hafa það náðugt en við tókum þó reyndar nokkurra tíma rispu í að skrúfa saman skápa í innréttingarnar hjá Gauja og Gunnu (Guðjón er sem sagt bróðir Emils). Við tókum svo til hátt og lágt, elduðum góðan mat, video og ÍS of course eða sem sagt kósý kvöld heima! Í gær bakaði ég svo snúða enda alltaf að baka núna. Erum nefnilega komin í nammi- og gosbindindi núna, Emil í sínu stranga átaki en ég af því ég er farin að hafa smá áhyggjur af þessu eilífa sykursjokki sem ég er að lenda í. Við leyfum okkur sem sagt heimabakstur en reynum auðvitað að hafa hann af hollari taginu þótt það sé nú ekki alltaf hægt Annars gekk baksturinn ekki alveg áfallalaust því ég fékk tvo gesti sem ég kæri mig ekki um í miðjum bakstrinum!! Vinir mínir holugeitungarnir eru sem sagt alltaf að bögga mig þessa dagana enda bú í garðinum en tveir þeirra gerðu sér glaðan dag og skelltu sér í snúðadeigið! Ég fríkaði auðvitað út og upphófst eltingleikurinn en eins og venjulega þegar þeir mæta er Emil ekki heima... Ég í mínum æsingi byrjaði á að skella niður sykurpokanum, áttaði mig svo fljótlega á því að ég var að gleyma tveimur plötum í ofninum en snúðarnir voru orðnir aðeins of dökkir, brenndi mig auðvitað á annarri plötunni líka en loks náði ég svo báðum geitungum. Skellti öðrum í glas ásamt vænum skammti af deigi og ryksugaði hinn... En það besta er að ég veit vel að þeir eru hættulausir - bara aðeins að missa mig samt... Annars er alltaf gaman að baka!!

 Eigið góðan dag, kveðja Laufey klaufey

Já, sumarið er sem sagt búið og skólinn tekinn við... eintóm gleði það ekki satt?! Annars er nú ekkert svo svakalega langt síðan ég bloggaði síðast... ekki einu sinni komið ár! Notendaviðmótið og allt búið að breytast síðan síðast en hvað gerir það til. Er svona að spökulera að fara að skrifa aftur kannski eina eða tvær línur eða svo ef mig grípur sú löngun en það verður ekkert endilega neitt merkilegt ;o)

 Annars er bara allt það besta að frétta af mér síðan síðast. Vorum fyrir vestan í allt sumar og hafa það gott!! Dásamlegt að geta skipt aðeins um gír; verið að smíða, tók nokkrar vaktir í sundlauginni og spilað fótbolta aftur! Mikið geggjað var það nú gaman!!! Langar meira að segja rosalega til að komast eitthvað í bolta hérna fyrir sunnan í vetur, hver veit hvað ég geri?! Við tókum jú líka þátt í mýrarboltanum um Versló, þvílík snilld sem það var en það er sko púl í lagi!!

Annars ætla ég nú ekkert að hafa þetta mikið lengra svona í þetta skiptið, má ekki verða alveg tóm ef ég ætla að blogga eitthvað meira í bráð

Kv. Laubbz

Það er annars forvitnilegt að vita hvenær það uppgötvast að ég hafi farið af stað með bloggið aftur því ég kalla þá bjartsýna sem hafa komið hingað inn og búist við bloggi...

 

Ójá, ég er sko á leiðinni vestur í sveitasæluna, ohh hvað ég hlakka nú til!! Þar á sko að slappa af og hafa það gott... Nenni eiginlega ekki að vera að setja inn langt blogg núna, ekkert nýtt hefur svo sem á daga mína drifið en ég er núna að bíða eftir að Emil verði búinn í vinnunni svo við getum brunað af stað... Erum að fara að verka kjöt og búa til slátur fyrir vestan til að eiga nú nóg að bíta og brenna fyrir veturinn.  

Annars er bara það allra besta að frétta af mér, fátt kemst frekar að hjá mér en skólinn og blakið en mikið rosalega er alltaf gaman á æfingum!! Erum núna komnar með 3 uppspilara svo það er nú aldeilis frábært!! Hrikalega gaman að gera aftur stutta bolta á miðjunni með Gásu og búlgarski uppspilarinn lofar nú svei mér góðu!!  Það verður gaman að vera með í vetur og ef að mætingar fara nú aðeins að batna þá verður nú heldur betur fjör á æfingum!!!

Ætla að segja þetta bara gott í bili og hafið það sem allra best öllsömul!! Ég hefði gjarnan viljað komast til að hitta 4.U en manni tekst víst ekki allt svo ég verð bara að bíða betri tíma...

Jæja, ég held ég ætli bara að láta verða af því að blogga svona einu sinni til tilbreytingar!! Er farin að fá bréf í massavís hvort ég sé ekki alveg örugglega á lífi þar sem ekkert sjáist af mér né heyrist í mér...

Af mér er annars bara gott að frétta að vanda. Alveg feikinóg að gera og svona en þannig á það nú líka að vera! Síðustu dagar og vikur hafa aðallega farið í skóla og blak en auðvitað er alltaf hægt að gera eitthvað skemmtilegt á milli. Er búin að vera kenna fyrir Gásu 2 daga í vikunni en það er hressandi að breyta aðeins til!

Vorum svo á Hvolsvelli um helgina, ég og Emil, með blakbúðir en það var svaka þáttaka og rosa fjör, 30 manns á besta aldri, mismunandi langt komnir í íþróttinni komu saman til að skemmta sér og fá smá tilsögn, 3 2ja tíma æfingar á laugardeginum með klukkutíma pásu á milli og 2&1/2 tíma æfing á sunnudeginum + mót þar sem spilaðir voru 9 umferðir með "félagsvistarkerfi." Væri maður ekki til í að geta æft svona með meistaraflokkum, alveg böns af fólki sem er til í að taka helgina í þetta!!

Annars fórum við á Bó Halldórsson og sinfóníuhljómsveitina á laugardeginum en það var ansi mögnuð skemmtun!! Ég vann nefnilega 2 miða í netleik hjá bylgjunni en hvort stykki kostaði ekki nema 8000-kall!!! Við vorum svo á 10. fremsta bekk, nokkurn veginn fyrir miðju svo það var ekki amalegt! Á sunnudeginum komum við svo við hjá Óskari og Siggu á Selfossi og auðvitað var okkur boðið í svaka fínan mat og alles!! Og talandi um matarboð, þá fór ég ekki nema í þrjú matarboð um síðustu helgi! Stjörnustrákarnir héldu saman veislu á laugardeginum, tengdó var með veislu í sunnudagshádeginu og Lalli og Íris toppuðu svo allt saman með dúndurveislu á sunnudagskvöldið þar sem Gotti og Jóhanna voru að flytja til Gautaborgar. Held ég hafi verið að borða fyrir alla vikuna enda hafði ég eitthvað verið löt við það virku dagana. Það er líka ekki á hverjum degi sem það líður yfir alla nema Karen í heita pottinum eftir æfingu... hehe

Átið var annars ekki alveg búið þar sem Rannveig átti afmæli á mánudeginum og við Gunni og Jóhanna fórum með þeim mæðgum út að borða. Hitti líka Soffíu fyrr á deginum þar sem ég komst því miður ekki til að hitta IHS-arana kvöldið áður, hefði svo gjarnan viljað það!!!

Það er nú annars svo mikið framundan að við Emil erum sko búin að setja upp plan fram í júní þar sem búið er að setja inn leiki og annað um helgar til að skipuleggja okkur aðeins, við eigum einmitt eftir 2 lausar helgar fram að jólum... hehe En það þýðir nú samt ekki að það sé ekkert annað hægt að gera þessar uppteknu helgar... Áttum annars að fara austur á haustmót um helgina en það virðist vera að detta upp fyrir enda alveg ótrúlega léleg þátttaka!!! Helgina þar á eftir erum við svo að fara vestur á eyrina, hlakka mikið til þess en ég hlakka svo ekkert minna til helgarinnar á eftir en þá er 4.U að fara að hittast og loksins að ég geti mætt!!! Deildarkeppnin fer svo líka að bresta á en einnig er "Kjaranstaðar-frænku-hittingur" núna í Okt. Gása fer svo vonandi að detta inn aftur á æfingar og auk þess kemur hinn uppspilarinn líklega í næstu viku svo vonandi fara mætingarnar að batna í næstu viku, erum alltaf bara 6-8 á æfingu en það eru aldrei allar sem mæta í einu! Samt búið að vera geggjað skemmtilegt undanfarið þótt maður sé nú stundum svolítið þreyttur á æfingum eftir lyftingarnar!!! Hlakka annars ekkert smá til að fara að spila aftur!! ;o)

Held annars að þetta sé farið að verða ágætt í bili, efast um að nokkur hafi lesið svona langt niður en þið getið þá bara tekið þetta í pörtum því ef ég þekki mig rétt þá líður eflaust einhver tími þangað til ég blogga næst... hehe

"Túdilú"

Þessu áttuð þið nú alveg örugglega ekki von á, það að ég sé búin að blogga er nottla bara fréttnæmur viðburður... hehe  Núna er ég að reyna að koma mér í vetrargírinn og stefnan er sett á að reyna að vera dugleg við blogg-iðkun  

Já það hafa nú heldur betur verið fjörugir dagarnir undanfarið og meira en nóg að gera!! Kláraði loksins prófin síðastliðinn föstudag og vá hvað það er nú gott að vera búin að losna undan þeim pakka!!  Ég verð nú að viðurkenna það að ég var nú kannski ekkert duglegust að læra en það verður víst bara að koma í ljós seinna meir hvernig einkunnirnar koma til með að líta út... Ætla ekkert að tékka á þeim niðurstöðum fyrr en eftir mót en það er nú heldur betur búið að vera að blaka undanfarið enda byrja herlegheitin á morgun!!  Búið að vera alveg geggjað gaman undanfarið, stífar æfingar upp á hvern dag síðustu vikurnar og oft tvær æfingar á dag... Ekki leiðinlegt það enda er manni hálfpartinn farið að líða eins og atvinnumanni... hehe Undirbúningurinn er að minnsta kosti búinn að vera meiriháttar góður og skemmtilegur og öflugur hópur!! Það verður gaman að sjá hvernig okkur gengur um helgina! Stefnan er sett hátt og markmiðið að komast upp úr riðlinum og við þurfum á öllum stuðningi að halda svo endilega að mæta í Digranesið um helgina og hvetja eins mikið og röddin leyfir!! Spilum við Skota klukkan 20.00 annað kvöld (fös), Færeyinga með Magga í broddi fylkinga á lau kl. 16.15 (verður einnig sýndur í tellý-inu) og loks Kýpur á sunnudaginn kl. 16.15. ... ÁFRAM ÍSLAND!!! Væri ekki leiðinlegt að fá jafn magnaða stemningu og var á heimaleikjunum milli Grundarfjarðar og Ólafsvíkur á síðasta öldungamóti!! hehe  Annars er mannskapurinn orðinn frekar þreyttur eins og er og sem betur fer erum við í sólarhringsfríi núna! Meirihlutinn úr liðinu að verða búinn að vinna sér inn álagsmeiðsli og búið að vera feikinóg að gera í sjúkraþjálfun síðustu daga en eins og við vorum nú orðnar geggjað góðar og vel samstilltar á þriðjudaginn voru seinni æfingin í gær og æfingin í morgun orðnar frekar þreyttar!!  Við eyðum því deginum í dag í orkusöfnun og mætum eldsprækar á æfingu í fyrramálið!!  Í kvöld ætlum við svo að hittast yfir Eurovision og fylgjast með Silvíu Nótt ganga fram af fólki  og þjappa liðinu enn frekar saman!! Held ég segi þetta bara gott í bili og reyni kannski að fá mér eins og hálftíma lúr... Vona svo bara að ég sjái sem flesta á leikjunum...

Ég veit nú ekki alveg hvort ég er að fíla þetta sirkus-dæmi í ræmur eða hvað Á eftir að gera það upp við mig hvort ég nenni að vera að skipta um bloggsíðu og síðu og læra á það þar sem ég er nú ekki einu sinni búin að vera rosa virkur bloggari undanfarið!!  Annars segi ég nú bara allt það besta!! Búið að vera fjör síðan ég skrifaði síðast enda mánuður liðinn eða svo. Skellti mér til Englands um páskana, nánar tiltekið til Leatherhead... og já það hljómar svoldið skondið en þetta var nú bara ósköp vinalegt þorp og engir leðurho..... á ferðinni á götum úti!  Fórum annars með landsliðinu í æfingaferð og spiluðum við Ensku píurnar, bæði official leiki og venjulega leiki. Það gekk nú bara alveg ágætlega þrátt fyrir allt og við efldumst með hverri hrinunni sem við spiluðum og tókst að lokum að taka eina hrinu af þeim og rúmlega það en það var nú ekki leiðinlegt!! Annars vorum við sex úr HK og eitt sinn var það svo að við vorum allar inná í einu og man hvað við náðum loksins vel saman!! Ekki amalegt ef við hefðum spilað svona í allan vetur!! Þvílíkt góður mórall og allar að vinna að sama markmiði saman en við töpuðum ekki nema 22-25 svo það var nú ágætis frammistaða hjá "deildarliði" Reyndar kom Erla Rán inná fyrir Jóhönnu í framlínu en samt sem áður stóðum við okkur hrikalega vel miðað við hvað við erum búnar að sýna í síðustu leikjum!!   Anyways, þá styttist nú óðum í keppnina hérna heima en það er akkúrat mánuður þangað til við verðum sóttar heim... Sem segir það líka að JÆKS hvað það er stutt í próf!!! Fer í fyrsta prófið 3. maí, eftir aðeins 11 daga en ég klára svo þann 12. Er farin að hlakka pínu til að klára þetta!!  Hef annars ekkert mikið meira að bæta við þetta í bili... verð víst að fara að snúa mér að lærdómnum aftur!! Verð þó reyndar að koma því að hvað það var nú gott að fá sér páskaegg!!!! Það var sko tekin pása frá nammibindinu yfir páskana og það var nú líka nýtt tækifærið og hakkað í sig eins miklu og ég kom fyrir!! hehe En það er nú líka bara harkan sex núna en mér finnst það reyndar ekkert mál því ég held að ég hafi borðað yfir mig af súkkulaði ef það er hægt!! Annars bið ég bara að heilsa í bili og hafið það sem allra best!!

Já ég gæti trúað að það væri kominn tími á nýtt blogg, sérstaklega þar sem liðinn er mánuður síðan síðast og degi betur... Ég verð nú annars að viðurkenna að ég dáist að fólki sem enn hefur þolinmæði til að kíkja hingað inn!!Annars hlýt ég nú að fara að verða duglegri við þessa iðju mína núna, loksins komin með netsamband hingað heim í Kattholt... þvílíkur munur!! Auk þess eru nú líka prófin að nálgast (hrikalega hratt) og ég fékk nú skot á mig í síðustu prófatíð að ég hefði aldrei verið duglegri að blogga en akkúrat þá... humm?!

Annars er nú bara allt það besta að frétta af mér. Hrikalega mikið um að vera undanfarið og er ekki alveg að sjá að það sé að fara að róast eitthvað fljótlega. Má þó til með að gorta af því að ég er orðin útskrifuð frá sjúkraþjálfara eftir undraverðan og ofurskjótan árangur en ég er nottla bara í skýjunum yfir því!! Ótrúlegur munur að geta hoppað án þess að finna til, í fyrsta skipti síðan á síðasta ári, en ég á þó reyndar eftir hellingsvinnu í áframhaldandi styrktarþjálfun by myself til að halda báðum ökklum, hægra hné og smassöxlinni í góðum málum!  Auk þess er loksins allt á uppleið móralslega séð í liðinu okkar en síðustu mánuðir hafa verið hrikalega erfiðir!!! Þrátt fyrir að vera með efni í rosa góða leikmenn og frábært lið höfum við ekki náð að spila sem lið fyrr en loksins í síðasta leik og man hvað það var líka gaman!!!  En með þessu tókst okkur líka að klúðra bæði deildarmeistara- og bikarmeistaratitlum svo það er bara Íslandsmeistaratitillinn eftir sem við neyðumst því eiginlega að glíma við!  Fyrsti leikurinn í undanúrslitunum er einmitt á sunnudaginn kemur svo við þurfum á öllum kröftum að halda og endilega að mæta á svæðið og berja í okkur keppnisskapið!  Framundan er svo ferð til Londion um páskana, erum að fara í æfingaferð með landsliðinu þar sem við æfum og spilum official leiki við enska landsliðið til að búa okkur undir baráttuna hérna heima í vor!  Það verður nú ekkert leiðinlegt að komast aðeins út fyrir landssteinana, ekkert farið neitt síðan við fórum til Prag í september á síðasta ári!! hehe Var annars búin að lofa að skella inn nokkrum myndum síðan á BLÍ-uppskeruhátíðinni sem var haldin um síðustu helgi, so enjoy! En þangað til næst...

Jájá, kommon... óþarfi að núa mér þessu um nasir... ég veit ég er orðin algjör bolla!! hehe

Annars er nóg að gera þessa dagana, bæði í skólanum og utan hans en ég læt að sjálfsögðu skólann sitja á hakanum sem er nú hreint ekki til fyrirmyndar!! Rosa skemmtileg helgi annars framundan!! Þá er ég nú ekki að tala um hina svakalegu árshátíð sem verkfræðideildirnar eru að halda sameiginlega á Hótel Örk, Hveró (matur, ball, gisting og já "kannski" einhver partý...)  Nei ég kemst nottla ekki á neitt svoleiðis frekar en fyrri daginn en mín bíður nú samt ekkert leiðinlegri dagskrá ef ég á að vera hreinskilin! Framundan er nebblega æfingahelgi, 5 æfinga helgi og fjör!!  Er farin að hlakka hrikalega til þess að taka á því og fá smá harðsperrur sem endast út næstu viku...  Reyna að klóra aðeins í bakkann svona áður en mér verður hent út eins og hverju öðru rusli... hehe Er annars að fara til bækló á mið.  tékka á hversu ónýt ég er en ég vona að hann gefi mér bara einhverja töfrasprautu svo allir verkir fjúki á braut (ekki það að mér sé illt e-s staðar), kílóin hverfi og ég verði skyndilega hrikalega góð í öllu sem ég tek mér fyrir hendur...  Of bjartsýn nokkuð??!! hehe

Annars eru mútta og syss sömuleiðis líklegast að koma um helgina en það verður gaman að hitta þær!! En það sem ég hlakka nú allra mest til er að fá hann Emil heim aftur en það eru bara tveir dagar enn... jeij!! Ég ætla að vona að hann sé ekki búinn að flækjast inn í innsta hring rússnesku mafíunnar og eigi ekki afturkvæmt þessir 6 dagar eru búnir að vera nógu erfiðir!! Ég meina sex dagar... getur það nokkuð orðið verra?! hehe Ætla annars að segja þetta bara gott í bili, er búin að skrifa þetta allt 2x (enda með einsdæmum þolinmóð!!) þar sem ég missti allt út áðan fyrir klaufaskap en ef það gerist aftur þá verður næsta færsla bara auð... Þið vitið þá af hverju það mun ekki standa neitt í henni!! hehe Bið annars bara að heilsa í bili og hafið það sem allra best snúttin mín!!

Já það er líklegast kominn tími á það að ég reyni að halda á að blogga pínulítið fyrst ég er nú alltaf að lofa bót og betrun... Annars er nú barasta mest lítið að frétta nema barasta allt það besta!!  Átti svona hrikalega góða helgi, vá hvað það var nú ljúft að vera ekki með neitt sérstakt skipulagt heldur spila bara af fingrum fram!! Kærkomin hvíldarhelgi get ég sagt ykkur og ég get nú alveg viðurkennt það án þess að roðna og blána að ég er ekki með hið minnsta samviskubit yfir að hafa ekki verið dugleg að læra yfir helgina... það var einfaldlega of gott að slappa bara af!!  Við Birna gerðumst svo séðar á föstudagskvöldið að við skelltum á Pizza Hut í Smáralindinni einmitt á sama tíma og Ædolið var sýnt en því var einmitt varpað upp á skjá á Pizza Hut og að sjálfsögðu heyrðum við þetta svo bara "live" því við vorum nottla barasta alveg við hliðina á öllum herlegheitunum... Ég er sem sagt bara alveg að komast inn í þetta núna en ég var ekki búin að sjá einustu sekúndu úr Ædolinu í vetur fyrir þessa viku! Það féll nebblega niður æfingin á föstudaginn og þess vegna gátum við bara slappað af eins og annað fólk Við héldum svo bara áfram í chillinu og fórum heim í vídeó og fínerí - ósköp gott kvöld!! Á laugardagskvöldinu var svo nottla Eurovisjón þar sem Silvía Nótt kom sá og sigraði en það var heldur betur fjör á okkur þá!! Norðanstelpurnar héldu svona þrusupartý og svo var haldið í byen og dansað frá sér allt vit! Vá hvað það var nú gaman að fara loksins út, orðið alltof langt síðan síðast!!  Við hittum líka massa mikið af fólki, bæði sem við þekktum vel og frægt lið... hehe Ég týndi símanum mínum annars ekki nema tvisvar á Óliver og fann hann sem betur fer í bæði skiptin... Hvað er eiginlega málið með mig að týna og/eða gleyma hlutum þessa dagana?!  Fyrir þá sem ekki vita þá týndi ég nebblega veskinu mínu held ég 5x á tveimur vikum og svo hef ég nú verið að gleyma ýmsu hér og þar! Upp hafa komið hinar ýmsu kenningar af hverju ég er svona utan við mig en so far hafa engar þeirra staðist þótt einhverjir hafi verið alveg vissir í sinni sök!!

Í gærkvöldi var svo 2. í hittingi hjá okkur Ingu, Ernu og Þóru en það er alveg snilld Erna mín að þú hafir komið þessum reglulega hitting á!! Vá hvað mér finnst gaman að við séum farnar að styrkja vinaböndin aftur!!

Að öðru leyti er nú annars bara lítið að frétta nema hvað ég er ennþá að bíða eftir að komast til læknis til að vita hvernig ég má/á að snúa mér í sambandi við lappa-málin en ekki virðist það neitt vera á bataleið, því er nú ver og miður en það breytist þó víst lítið við að kvarta yfir því!  Til að koma í veg fyrir það að ég haldi því áfram ætla ég bara að segja þetta gott í bili núna... Hafið það bara sem allra best öll sömul!!

Og P.S. Birna og Karen, ég er ennþá að meina þetta með Danmerkurferðina, jafnvel þótt það sé kominn þriðjudagur...

Hvað er eiginlega að gerast, maður spyr sig bara?! 123 manns búnir að koma og kíkja í heimsókn á síðuna mína í dag... Ég þekki ekki einu sinni svona marga!! Hver er það sem ekki á sér líf og er búinn að koma inn 122x ?? hehe  Að minnsta kosti ekki ég! Ég er varla búin að koma inn á síðuna síðasta mánuðinn og varla skrifa neitt enda sést það á því að ég bloggaði síðast 24. jan og núna er kominn 14. feb... Sem minnir mig á það að það er einmitt Valentínusardagurinn í dag!! Ekki amalegt það... Kappinn kom bara færandi hendi þótt hann væri búinn að lofa að gera það ekki! Takk fyrir mig

Annars er alveg ýmislegt búið að vera um að vera síðustu vikurnar enda hef ég ekki verið mikið að þvælast um á netinu! Verð líklegast að fara að taka blogghringinn og lesa hvað fólk hefur verið að gera undanfarið því ég veit hreinlegast ekki neitt lengur!!  Fór annars norður um helgina, rosa fínt að komast til Tóta og Birnu, takk fyrir mig!!   Náði annars að rústa endanlega ökkla og hné svo ég verð eitthvað hálfbækluð næstu vikurnar og get lítið æft, hentar þó ágætlega tímasetningin því við eigum ekki næstu deildarleiki fyrr en 23. og 24. mars og í mesta lagi einhverjir bikarleikir í millitíðinni og svo nottla landsliðsæfingar ef ég næ að halda mér eitthvað inni... Finnst samt auðvitað ekkert gaman að hvíla en það lítur út fyrir það að ég komist nú ekki hjá því lengur!!   Er annars farin að hlakka ansi mikið til þess að eiga rólega helgi um næstu helgi, ekkert sérstakt um að vera!! Fyrsta helgin á þessu ári!! Þá verð ég líka búin með þessu ljótu próf sem ég er að fara í núna, eitt 30% próf á morgun sem þýðir það að ég ætla ekki að slóra frekar í bili og bið barasta að heilsa!! Farið vel með ykkur og njótið dagsins!!

 

Var víst bara að taka eftir því áðan að Halla mín klukkaði mig víst fyrir um viku síðan en ég auðvitað ekki alltaf með á nótunum... Ákvað annars að kýla þetta bara af snöggvast áðan en auðvitað missti ég öll svörin út þegar ég var búin... Þetta kemur því hérna í fljótheitum núna en ég verð að viðurkenna það að það var oft erfitt að velja bara 4 hluti!! - Eitt enn... Ekkert bögg fyrir lame svör!!

Fjögur störf sem ég hef unnið um ævina:
   Byggingarvinna + landanir
   Sundlaugarvörður (+ íþróttahús)
   Sólbaðsstofan Stjörnusól, Ak.
   Búðar- og sjoppuvinna

Fjórar bíómyndir sem ég gæti horft á aftur og aftur:
   Braveheart
   How to loose a guy in 10 days
   Enough
   Save the last dance

Fjórir staðir sem ég hef búið á:
   Aðalstræti 53, Þingeyri
   Grenilundur 19, Akureyri
   Friheds Allé 52, Sönderborg
   Birkimelur 6, Reykjavík (núverandi "bústaður" )

Fjórir sjónvarpsþættir sem mér líkar:
   Lost
   Desperate Housewives
   Rockstar INXS
   OC

Fjórir staðir sem ég hef heimsótt í fríum:
   Valloire í Frakklandi - óneitanlega besta fríið!!
   Prag
   Slatti af stöðum meðfram ströndum Þýskalands og Póllands - víkingasiglingin...
   Fjölmargir staðir í dejlige Danmark...  (+ margir fleiri staðir!!)

Fjórar síður sem ég skoða daglega (fyrir utan blogg):
   hi.is
   masteringphysics.com (var að spá hvort ég ætti að skrifa þetta eða fotbolti.net )
   bli.is - hk.is
   thingeyri.is

Fernt matarkyns sem ég held uppá:
   Ís án efa á toppnum!!
   Kjúllinn hans pabba
   Hamborgarhryggur
   Hreindýrakjöt

Fjórar bækur sem ég les oft:
   Killer Sudoku (lesa og ekki lesa, bara að ég gæti skrifað allar skólabækurnar...)
   Skóladagbókin mín
   Calculus
   Hinar skólabækurnar svona í bland...

Fjórir staðir sem ég myndi heldur vilja vera á núna:
   Heima undir sæng frekar en í fyrirlestri!
   Í skíðaferð í Frakklandi/Austurríki/Sviss/Bandaríkjunum
   Í Danmörku
   Í Bendawríkjunum með Kollu minni

Fjórir bloggarar sem ég klukka:
   Karitas í verkfræðinni - af því hana langar það svo mikið!!
   Kolla mín
   Fannar Karvel
   Birna Bald

Enjoy my friends!!